Presidenti i Torinos Urbano Kairo, ka vendosur të shkarkojë trajnerin Sinisa Mihajlloviç pas humbjes 2-0 në derbi me Juventusin në Kupën e Italisë.
Sipas shtypit italian, ky vendim i është komunikuar edhe trajnerit dhe tashmë pritet vetëm zyrtarizimi nga klubi. Kairo, i cili e ka mbrojtur pambarimisht trajnerin serb, këtë radhë nuk ka mundur të rezistojë më gjatë, pasi edhe rezultatet në Serinë A nuk kanë qenë të kënaqshme.
Favorit për të pasuar Mihajlloviçin është Walter Mazzarri, i cili e ka mbyllur eksperiencën e tij në Angli me Watfordin.
Tekniku toskan ka si kusht për të pranuar ofertën nënshkrimin e një kontrate dyvjeçare, pasi nuk e konsideron veten një trajner që shërben thjesht për të dalë nga situata.
