Pas një beteje të gjatë me kancerin moderatorja e njohur italiane e emisionit “Le Iene”, Nadia Toffa ka ndërruar jetë.
Toffa ndërroi jetë në moshën 40-vjeçare dhe lajmi për vdekjen e saj u dha përmes një postimi në rrjete sociale nga redaksia e emisionit:
“Ke luftuar me kokën lart, me buzëqeshje, me dinjitet dhe duke shpërfaqur të gjithë forcën tënde, deri në fund, deri më sot”, shkruan redaksia “Le Iene”. Postimi i fundit i Nadias datonte më 11 korrik.
Ndërkohë për sëmundjen e saj ajo u shpreh për herë të parë në vitin 2017 në emisionin “Verissimo”. “Si pasojë e një sëmundjeje dhjetorin e shkuar (ishte viti 2017) u operova në urgjencë.
Më pas ajo do të tregonte se beteja nuk kishte mbaruar ende.
“Bëra kimioterapi dhe radioterapi. Dukej gjithçka e përfunduar, por në mars, gjatë një kontrolli, erdhi lajmi i keq. Kanceri ishte rikthyer dhe më operuan sërish,’-tha moderatorja e ndjerë tetorin e vitit të kaluar./Opinion.al/
