Një turiste nga Tirana ka humbur kontaktet me grupin me të cilin ndodhej për një vizitë në Karaburun, ndërsa policia është vënë në kërkim prej orës 19:10.
Sipas informacioneve zyrtare, shkak i humbjes së gruas 64-vjeçare është bërë mjegulla.
Vlorë/Informacion paraprak
Sot, rreth orës 19:10, shtetasja D. E., 64 vjeçe, banuese në Tiranë, dyshohet se për shkak të mjegullës ka humbur orientimin dhe kontaktet me pjesën tjetër të grupit të guidës turistike, me të cilët ndodhej në Karaburun.
Menjëherë nga shërbimet e Policisë Kufitare, Deltës dhe stacionit të Policisë Orikum është organizuar një grup i përbashkët për kërkimin e kësaj shtetaseje nga toka dhe deti.
