Një aksident rrugor është regjistruar në aksin rrugor Zvedzë-Pojan në Maliq, ku si pasojë dy persona kanë mbetur të plagosur.
Sipas policisë, shtetasi G. A., rreth 27 vjeç, banues në fshatin Pojan, duke drejtuar automjetin tip Volksëagen, dyshohet se ka humbur kontrollin dhe për pasojë, automjeti ka dalë nga rruga.
Nga ky aksident janë dëmtuar shtetasi G. A. dhe vëllai i tij, shtetasi K. A., 30 vjeç, pasagjer në këtë automjet, të cilët ndodhen në spitalin e Korçës, në kujdesin e mjekëve.
Grupi hetimor po kryen veprimet procedurale dhe vijon puna për përcaktimin e shkakut të këtij aksidenti.
