Një 60-vjeçar është gjetur i pajetë mëngjesin e sotëm, në fshatin Pashkashesh, Ibë, në guroren ku ai punonte si roje.
Policia bën me dije se viktima është identifikuar si shtetasi me iniciale H.L., dhe dyshohet se ka humbur jetën për shkaqe natyrale.
Sipas bluve, gurorja ishte në pronësi të shtetasit me iniciale B. A.
“Më datë 27.01.2025, rreth orës 08:25, në fshatin Pashkashesh, Ibë, në guroren e shtetasit B. A, është konstatuar pa shenja jete shtetasi H. L, rreth 60 vjeç, i punësuar si roje private në këtë gurore. Paraprakisht, dyshohet se 60 vjeçari ka humbur jetën për shkaqe natyrale”,-njofton policia.
Materialet procedurale i kaluan Prokurorisë, për veprime të mëtejshme.
