Pandemia COVID-19 ka shkaktuar një tjetër viktimë në radhët e bluzave të bardha.
Sipas abc news kryetari i Shoqatës së Anestezi-Terapi Intensive, doktor Mihal Kerci, nuk arriti të fitonte betejën me koronavirusin.
Mjeku prej disa ditësh ishte në gjendje të rëndë për shkak të komplikacioneve që i shkaktoi Covid-19.
Lajmin për humbjen e tij e ka dhënë Tritan Shehu, i cili përmes një postimi në rrjetet sociale shkruan se Anestezi-Reanimacioni shqiptar e rajonal do t’i mungoje një nga “kolonat” e organizatorët më të vlefshëm.
“Një Requiem” për Prof. Dr. Mihal Kerci!
Sot dite zije për Anestezi-Reanimacionin e mjekësinë shqiptare!
Disa ore me pare, pas jave përpjekje, disa here shpresash, me tej dëshpërimesh ne humbëm një nga koleget tanë me te mire, Kryetarin e Shoqatës sonë te Anestezi-Terapi Intensive, mikun e vlefshëm, njeriun e ditur, te mire e te pa përtueshëm, Mihalin tone!
Familja e tij humbi atë pjesëtar, bashkëshort e baba shembullor.
Studentet nuk do te dëgjojnë me leksionet e tij plot shkence e pasion, pacientet nuk do ta kenë me ne momentet me te vështira te tyre mbi koke, duke u transmetuar shprese, besim e qetësi!
Anestezi-Reanimacionit shqiptar e Rajonal do t’i mungoje një nga “kolonat” e organizatoret me te vlefshëm te tij, zëri i tij nuk do te dëgjohet me plot dije e eksperience ne Konferencat, debatet, diskutimet tona….
Do na mungoje te gjithëve, familjareve, kolegeve, shokëve, miqve, te sëmurëve qe presin te shërohen…qytetareve ne tërësi.
Ta kujtojmë gjithmonë ashtu siç ishte ne jetën e punën e tij!
Ngushëllimet me te sinqerta e te dhimbshme”, shkruan Shehu./ Opinion.al
