Një 26-vjeçar me origjinë shqiptare humbi jetë në një aksident me motor. Ngjarja ka ndodhur pasdite e kësaj diele në Volos të Greqisë.
Ngjarja e rëndë ndodhi pak përpara orës 18:00, teksa i riu po kthehej nga Rizomylos, ku kishte qenë për të ndjekur një ndeshje futbolli.
Sipas mediave greke, 26-vjeçari po udhëtonte me motor, kur në rrethana ende të paqarta humbi kontrollin e mjetit dhe u përplas me rrethimin anësor të rrugës.
Përplasja ishte fatale dhe i riu me iniciale S.S, gjeti vdekjen në vendin e ngjarjes./Opinion.al
