Kongresmenia republikane amerikane e Indianës, Jackie Walorski ka humbur jetën si pasojë e një aksidenti automobilistik ditën e mërkurë.
Lajmi është bërë i ditur nga udhëheqësit republikanë të Dhomës së Përfaqësuesve.
“Dean Swihart, bashkëshorti i Jackie-t, sapo u informua nga zyra e Sherifit të Qarkut Elkhart se Jackie u vra në një aksident me makinë këtë pasdite. Ajo është kthyer në shtëpi për të qenë me Zotin dhe Shpëtimtarin e saj, Jezu Krishtin. Ju lutemi mbani familjen e saj në mendimet dhe lutjet tuaja. Ne nuk do të kemi asnjë koment të mëtejshëm për momentin”, thuhet në një mesazh nga zyra e kongresmenes që Mçarthy shkroi në Twitter.
Përveç politikanes amerikane, si pasojë e aksidentit kanë vdekur edhe tre persona të tjerë në një përplasje në SR 19 dhe SR 119 pranë Nappanee të mërkurën pasdite, Walorski, Zachery Potts dhe Emma Thompson.
Në vendngjarje ka gjetur vdekjen edhe drejtuesja e automjetit tjetër të përfshirë në aksident. Ajo është identifikuar si 56-vjeçarja Edith Schmucker nga Nappanee. Ëalorski ka përfaqësuar Distriktin 2 që nga viti 2013.
Kryetarja e Dhomës së Përfaqësuesve Nancy Pelosi urdhëroi që flamujt në Kapitol të valonin në gjysmë shtizë në përgjigje të vdekjes së kongresmenes, njoftoi të mërkurën pasdite zëvendës shefi i shtabit të Pelosit, Dreë Hammill.
Në një deklaratë, Pelosi tha se kongresmenja jetoi duke shërbyer dhe u admirua nga të gjithë kolegët për mirësinë e saj personale.
Walorski, e cila ishte 58 vjeç, përfaqësonte Distriktin e 2-të të Kongresit të Indianës dhe kishte shërbyer më parë si anëtare e Dhomës së Përfaqësuesve të Indianës. Ajo filloi të shërbejë në Kongres në 2013.
