Një 59-vjeçar ka humbur jetën teksa ka qenë duke punuar ditën e sotme në Lezhë.
Sipas policisë, 59-vjeçari i cili punonte në një sërë pemesh dekorative,dyshohet se ka rënë nga pema duke gjetur vdekjen.
“Më datën 19.05.2021, rreth orës 12:00, jemi njoftuar nga urgjenca e spitalit Rajonal Lezhë për një shtetas që ka arritur pa shenja jetë. Nga veprimet hetimore të kryera nga shërbimet e Policisë rezultoi së shtetasi I.T.,59 vjeç, banues në Lezhë, i cili punonte në një sërë pemesh dekorative,dyshohet se ka rënë nga pema duke gjetur vdekjen”, njofton policia.
Grupi hetimor në vendngjarje punon për sqarimin e plotë të shkakut dhe rrethanave të ngjarjes.
