Një ngjarje e rëndë është regjistruar ditën e sotme në Tiranë. Mësohet se një 57-vjeçar ka humbur jetën, pasi teksa ishte duke punuar në një shkollë ka rënë nga lartësia.
Polica njofton se ngjarja ka ndodhur në rrugën e ” Kastriotëve”, ndërsa në vendin e ngjarjes ka shkuar një grup hetimor i cili po punon për zbardhjen e plotë të rrethanave të vdekjes së 57-vjeçarit.
“Sot, me datë 29.01.2020, rreth orës 13:15, në rrugën ” e Kastriotëve” duke punuar , tek godina e një shkolle aksidentalisht ka rënë nga lartësia shtetasi E.L, 57 vjeç, ku për pasojë ka gjetur vdekjen. Grupi hetimor dhe shërbimet e Policisë ndodhen në vendngjarje dhe vijon puna për zbardhjen e rrethanave të ngjarjes.”-njofton Policia./ Opinion.al
