Është ndarë sot nga jeta mjeku i njohur, kirurgu ortoped i spitalit Ushtarak, Arben Runa. Mësohet se ai kishte vuajtur prej dy vitesh nga një sëmundje e rëndë duke “u dorëzuar” në moshën 57 vjeçare. Runa la pas një karriere të pasur dhe një emër të mirë në fushën e mjekësisë. Lajmin për vdekjen e tij e dhanë dy gazetarë që e kanë njohur nga afër, Mero Baze dhe Ilir Kadia.
Postimi i Ilir Kadisë
Dy javë më parë i rashë numrit tënd Ben. Desha të dërgoja në spital një njeriun tim, ta shikoje me merakun tënd për njëriun. Siç kisha bërë me veten time, nënën, babanë, djemtë, vëllanë gjithë miqtë e shokët që e dinin që ishim miq e më kërkonin ti ndihmoja, ti sillja tek ty. Por në vend tënd më doli një tjetër. Është në shpi Beni, më tha. Por mos e shqetëso! Pandeha se flije nga urgjenca! A se kishe pak temperaturë gripi dhe… kaq! Ku ta dija se rruga ku ishe nisur ish pa kthim!!! Ah, sa do më mungosh i dashur MIK! Ishe simbol i të urtit! I NJERIUT! I LEHTË TË QOFTË DHEU YNË, O DOKTOR BEN RUNA!
Postimi i Mero Bazes
Sot ne mengjes Dr. Beni nuk u zgjua me, duke humbur nje beteje dyvjecare me semundjen e tij ne mushkeri. Mua do me mungoj nje nga miqte me te cmuar ne jete, nje mjek i talentuar, nje poet dhe rrefimtar i rralle dhe nje njeri i mencur qe diti ta bej sic donte jeten e tij.
Arben Runa u diplomua per kirurg traumatolog dhe sherbeu deri ne fund si kirurg prane Spitalit ushtarak. Ai kishte po ashtu plot pasione per letersine dhe eshte autor i disa cikleve te arrira poetike tregimeve dhe reportazheve botuar ne vitet 90.
Ada dhe dy femijet e tij shpresoj te gjejne force ta perballojne ndarjen ne te. Varrimi behet neser ne oren 10 ne Tufine”.
