Huawei, kompania e telekomunikacionit e cila në muajt e fundit ka qenë në qendër të vëmendjes për akuzat e spiunazhit ndaj qeverive perëndimore, ka njoftuar se gjatë vitit 2018 fitimet e saj janë rritur me 25%, ose e thënë ndryshe plot 7,7 miliardë euro.
Kompania kineze njoftoi gjithashtu se shitjet janë rritur me 19,5%, ose 100 miliardë euro. Sipas krahasimeve që bën CNN, kjo rritje e kompanisë kineze është më e madhe se Samsung dhe Apple, konkurrentët e saj parësorë.
Përveç telefonisë celulare, Huawei është edhe ndër kompanitë më të mëdha në botë për ofrimin e rrjetit 5G. Pikërisht me këtë lidhen edhe akuzat për spinazh, sipas të cilave Huawei bashkëpunon me qeverinë kineze për të spiunuar shtetet perëndimore me në krye SHBA-në./Opinion.al
