Gazetari Artan Hoxha ka dhënë detaje se si funksioni bota e krimit gjatë karantinimit. Në një intervistë televizive në ABC News, Hoxha tha se izolimi bllokoi krimin ordiner, por bandat e trafikut vijuan aktivitetin e tyre.
Gazetari thekson se nga kontaktet që ka pasur rezulton se shqiptarët janë bërë faktor edhe në shtetin e largët të Republikës Domenikinane. Sipas tij ky shtet përdoret nga shqiptarët e përdorin atë si pike ndalimi përpara se ta sjellim kokainën drejt Evropës.
“Gjatë këtij 6 javëshi në izolim kurioziteti ishte se si do të sillej bota e krimit. Izolimi bllokoi krimin ordiner. Duke shfrytëzuar edhe kontaktet me kolegët jashtë, në momentin që u bllokuan kufijtë, nje pjesë e grupeve kriminale ngelën jashtë, një pjesë ngeli brenda. Ata nuk janë mësuar që të rrinë në izolim, ata janë mësuar që të ndërveprojnë, ata nuk kanë kufij. Dhe bllokimi i lëvizjeve dhe fluturimeve e panikosi në fillim edhe botën e krimit.
Duke komunikuar me ta, me ata që janë në Ekuador, në Republikën Domenikiane. Nuk e dija që ne jemi bërë kaq faktor edhe në Republikën Domenikiane, një vend që duket i cuditshëm, por shqiptarët po e përdorin atë si pike ndalimi përpara se ta sjellim kokainën drejt Evropës. Kokaina lëvizte, sepse nuk u ndaluan asnjëherë anijet tregtare dhe lëvizjet e kontejnereve. Ata më thonin që malli lëviz. Së pari më thoshin se çmimi në Itali nuk ka lëvizur, ndërsa tani është dyfishuar. Ndërsa në Angli, në Holandë, në Belgjikë si duket ata kanë pasur stok dhe çmimi nuk lëvizte. Por problem për ta u bë paraja, se paraja e krimit nuk lëviz në rrugë bankare”, u shpreh Hoxha.. abcnews.al
