Gazetari Artan Hoxha ka deklaruar sot se në fund të dhjetorit të vitit të kaluar një grup i përbërë nga disa shqiptarë është goditur nga autoritetet në Ukrainë. Në një intervistë në abc news, Hoxha tha se është kapur kokainë me vlerë 10 milionë euro e nisur nga Amerika Latine.
Sipas Hoxhës, mes këtij grupi ishin edhe dy vëllezërit shqiptarë Tanko. Ai theksoi se disa vite më parë ata kanë marrë peng ish-krye-financierin e Silvio Berlusconit.
Gazetari investigativ tha se njëri prej vëllezërve quhet Laurenc Tanko nga Mallakastra. Me pasaportën që Hoxha publikoi mësohet se ai është 49 vjeç, ndërkohë që bëri me dije se emri mund të jetë i ndryshuar.
“Shqiptarët janë futur shumë thellë në lindje të Europës. Zona ku kapen shqiptarët ishte pranë Krimesë. Është vështirë që të penetrosh aty, pasi aktorët lokalë janë në nivel global. Përfshirja e një personazhi të njohur shqiptar. Ka qenë i njohur në Itali për lidhje me Ndragetën. Shqiptarët janë licencuar nga Ngradeta për të bërë transportin e kokainës. Dhe në rastin konkret, personi që është kapur, është nga Mallakastra me mbiemrin Tanko, kanë qenë dy vëllezër në Itali.
Në 2012 u bënë publikë pasi me katër të tjerë morën peng krye-financierin e Berlusconit. Njoftuan Berlusconin që do ta lironin po të paguante 35 milionë euro dhe pretendonin se kishin materiale komprometuese për ish-kryeministrin. Por në krye të 9 orëve pengmarrësit u tërhoqën. Mes këtij grupi ishin edhe dy vëllezërit Tanko. Laurenc Tanko e ka emrin, por duhet të jetë një emër i ndryshuar. Me këtë pasaportë, ai është 49 vjeç dhe u kap në portin e Odesës në Ukrainë.
Po prisnin një ngarkesë nga Amerika Latine me vlerë 10 mln euro. Në fillim u hap 100 kg kokainë në fillim në 9 gusht të vitit të kaluar. Gjatë operacionit, të tjerët u larguan, turku u largua në rrugë tokësore me makinë nga Ukraina, edhe tjetri, rumuni dhe një tjetër që ka vetëm emrin “Spartak”, dyshohet shqiptar por nuk është kapur. Tanko është në hetim. Mbahet në burg për trafik droge” deklaroi Hoxha.
