Mbrëmjen e sotme në emisionin “Opinion” po flitet për operacionin e SPAK, i cili lëshoi 32 urdhër arreste, nga të cilat janë arrestuar 18 persona.
Në lidhje live ishte gazetari Artan Hoxha, i cili nga Belgjika ka dhënë detaje nga operacioni “Plumbi i Artë”. Sipas gazetarit disa nga bosët e krimit ndodhen në Shqipëri dhe kanë paguar informator në polici dhe prokurori.
“Prej plumbit që u qëllua Dumani erdhi edhe e gjithë kjo që ka ndodhur mbrapa. Dy ditë më parë gjykata ka firmosur urdhër arrestet. Dje ka firmosur kontrollet e banesave. Sot kemi nga 32 urdhër arreste kemi 9 urdhër arreste janë ekzekutauara, 9 ishin në burg dhe pjesa tjetër 14 nuk janë kapur. Ata që s’janë kapur janë emrat më sinjikativët. Ata që ne i quajmë bosët e krimit në Shqipëri, më tepër ata e drejtojnë biznesin e tyre në portet e Europës. Por më rezulton se disa ata janë në territorin e Shqipërisë. Këto persona duhet të merren nën vëzhgim nga policia. Janë personazhe me buxhet të madh, kanë informator brenda sistemit në polici dhe prokurori. Ata kanë pasur me rroga mujore punonjës të policisë, shefa krimesh. Ata janë sinjalizuar që mos të jenë në banesat e tyre. Policia kreu kontrolle në 28 banesa”,-tha Hoxha.
