Gazetari Artan Hoxha ka shpjeguar në emisionin “Opinion” se si ka rënë në gjurmët e audios së regjistruar të drejtuesve të gardës më 21 Janar.
Hoxha tha se kjo audio është regjistruar me diktofon nga dikush që ka arritur të hyjë në kanalin e komunikimit të të ashtuquajturit grup i zjarrrit.
Gjithashtu Hoxha ka shpjeguar, se përse u thirr në polici gjatë ditës së sotme.
Pjesë nga biseda në studio
Hoxha: Ishte një urdhër i prokurores së Tiranës e cila ka çështjen e 21 Janarit në hetim. Prandaj nuk e kuptoj përse duhen kallëzime të tjera, çështja është në prokurori.
Në rastin konkret ka një dosje që nuk është mbyllur dhe kemi dy të vrarë pa autor. Aleks Nika është në krahun tjetër të bulevardit dhe Hekuran Deda ishte në platformën e mediave, janë dy vende më të papërshtstshme për t’u goditur.
Unë kam nxjerr një transkript të komunikimit në radio të zinxhirit komandues, para gjatë dhe pasi ka ndodhur ngjarja.
Fevziu: Sa i gjatë është regjistrimi?
Hoxha: Komunikimi është i gjatë, por ai që ka vlerë është dinamika e momentit kur është marr vendimi për të hapur zjarr.
Në hetimin e parë prokuroria nuk e ka gjetur, sepse serverat kanë qenë të fshirë. Që të kesh Ministrinë e Brendshme, policinë, gardën dhe shërbimin informtaiv dhe të thuash nuk e gjej dot këtë provë.
Fevziu: Ku e keni gjetur ?
Hoxha: Ekzistonte. Është përdorur një kanal komunikimi për një grup të caktuar njerëzish prej 10 vetësh. Këto urdhëra i kanë dëgjuar zinxhiri komandues i gardës dhe kjo njësia me MP5. Në radio , dikush ka hyrë në kanal dhe po i regjistronte në diktofon.
Fevziu: Mund të jetë spekulim?
Hoxha: Këtë gjë e vendos hetimi. Video që unë kam nxjerr për 21 janarin atëherë nuk ishte provë, por ajo shërbeu si indicia për të shkuar tek Agim Llupo dhe të gjejnë predhën e automatikut të Agim Llupos në trupin e Ziver Veizit.
Fevziu: Sa e gjatë është?
Hoxha: Për atë pjesën që ka vlerë është diku tek 10 minuta, por regjistrimi është më i gjatë, kjo është indicje për një provë të re./Opinion.al
