Ministri i Brendshëm, Ervin Hoxha i ka bërë thirrje të rinjve që kanë mbyllur studimet e shkollës së mesme, që të aplikojnë në Akademinë e Sigurisë.
Gjatë një vizite që zhvilloi në ambientet e këtij institucioni, Hoxha vuri në dukje se për këtë vit, janë parashikuar 150 kuota për t’u pranuar në AS.
Në këtë institucion, ai pa nga afër masat e marra për vitin e ri akademik dhe për procesin e përzgjedhjes së kandidatëve të rinj.
“Këtë vit, pas një procesi të hapur dhe konkurrues, 150 të rinj e të reja do të kenë mundësinë të përzgjidhen dhe të nisin formimin e tyre për t’u bërë pjesë e strukturave të Policisë së Shtetit.
Për këtë arsye, i nxis të gjithë maturantët që e kanë të fortë idealin e shërbimit publik, që kanë vullnet për të kontribuar në rritjen e sigurisë në komunitet, të përfshijnë Akademinë e Sigurisë në preferencat e tyre dhe të garojnë me besim”, tha Hoxha.
