Një 18-vjeçare është gjendur e coptuar dhe trupi i saj ishte vendosur në dy valixhe. Ngjarja e rëndë ka ndodhur në Macerata, ku për këtë është arrestuar një nigerian i cili ndodhet në paraburgim. Policia është njoftuar fillimisht për zhdukjen e 18-vjeçares rumune, Pamela Mastropietro dhe më pas ka nisur kërkimet duke e gjetur trupin e saj të coptuar. Nigeriani është identifikuar nga kamerat e sigurisë të një farmacie, pasi është parë duke dalë nga vendi i ngjarjes.
Por në deklaratën e tij në polici, i akuzuari ka deklaruar se ishte me viktimën në ato momente por më pas i ka humbur nga sytë duke mohuar çdo përfshirje të tij në vrasje. Ai ka dhënë disa emra si të implikuar në vrasje, dhe policia ka nisur hetimet duke kontrolluar banesat e tyre. Por pas kontrolleve nëpër banesa policia ka zbuluar në shtëpinë e nigerianit rroba të mbuluara me gjak që dyshohet të jetë i viktimës..
