Horror në Bronks, shqiptari humb jetën

Një veturë që kishte humbur kontrollin ka goditur një turmë fëmijësh dhe familjarët e tyre në Bronks, duke lënë të vdekur kështu dy të rritur dhe një fëmijë, ndërsa të lënduar kanë mbetur edhe tre të tjerë.  24 vjeçari me origjinë shqiptare, Kristian Lekaj me profesion shofer kamionësh, ka ndërruar jetë menjëherë. Lekaj ka qenë duke luajtur me motrën e tij 9 vjeçare në trotuar dhe në momentin kur makina e ka goditur atë, ai e ka shtyrë motrën e tij Fionën, që ta shpëtonte nga goditja. Të vdekur nga ky aksident kanë mbetur edhe Luis Perez, 65-vjeç, së bashku me mbesën e tij 9 vjeçe, Nyanna Aquil.Të gjithë të lënduarit, sipas New York Post, janë në gjendje kritike për jetën.