Selman Aliaj, 28 vjeçari që kreu krimin makabër të dielën duke vravë të atin dhe duke hedhur trupin në liqen ka dalë sot në Gjykatë për masën e sigurisë. Ai u la në arrest me burg pasi i mori jetën të atin pas një sherri për motive të dobëta në shtëpinë e tyre në Shkozë të Tiranës.
28-vjeçari dyshohet se është bërë xheloz për të atin, pas një deklaratë për nusen e tij të ardhshme. Prokurori tha në gjykate se Selman Aliaj pasi e ka goditur të atin me çekiç në oborrin e shtëpisë e kishte marrë trupin në makinë dhe e kishte hedhur në liqenin e Farkës, për të humbur gjurmët e krimit.
Por tek liqeni, kur ka hapur bagazhin e makinës ka vënë re që babai merrte ende frymë dhe ai e ka goditur në pjesën ballore, duke i shkaktuar vdekjen. Përveç caktimit të masës së sigurisë “arrest me burg” trupa gjykuese pranoi edhe kërkesën e prokurorisë për kryerje të ekspertizës së gjendjes mendore të 28 vjeçarit Selman Aliaj.
Viktima, Fejzi Aliaj, nga Kukësi me banim ne Tirane e kishte fejuar të birin dhe priste ta martonte në janar. Ka dyshime se fejesa ishte kryer pa dëshirën e djalit. “I kishte thënë babit se do shkoj në Gjermani te vëllai të rregullohem nga gjendja ekonomike dhe pastaj të martohem. Pas krimit eshte ulur në një fast food dhe hëngri tre sufllaqe, iku në Kukës dhe kur po kthehej në drejtim të Tiranës, u arrestua në afërsi të urës së Institutit. Babai sipas tij ka abuzuar dhe ka keqtrajtuar gratë që ka pasur. Dyshohet se i ati ka qenë edhe abuzues seksual, por kjo ende e paprovuar. Autori i ka thene hetuesve se “babai me tha se gruan tende do ta kemi te dy”.
Sakaq, avokati deklaroi se “i kemi kërkuar gjykatës ekspertim mjeko-ligjor, pasi nga sjellja e tij në gjyq dhe përvoja që ne kemi me raste të ngjashme mendojmë se është me probleme mendore”.
