Nënkryetari i LSI-së, Petrit Vasili e cilëson si aplikim me dy standarde të drejtësisë, arrestimin e gazetarit të njohur Henri Çili.
Në një status në Facebook, Vasili akuzon një sërë emrash të tjerë, përfshirë edhe kryeministrin Rama të cilët kanë dalë në përgjimet e prokurorisë por nuk janë arrestuar.
“Kur Edi Rama,Gjiknuri e deputete dalin sheshit ne pergjimet e prokurorise qe kryejne krimin e blerjes votave me furgone te mbushur me horra nuk arrestohen. Kur Etilda Gjonaj bashke banden e ministrise drejtesise falsifikojne e mashtrojne per te rrembyer Gjykaten Kushtetuese, duke konsumuar vepra penale pa fund nuk arrestohen Kur del nga pergjimet e prokurorise Vangjush Dako qe behet njësh me kriminele nuk arrestohet. Kur del sheshit korrupsioni i ministrave tek Unaza e re qe shkon gjer ne Amerike nuk arrestohen. Kur falsifikon e mashtron Dvorani per te rrembyer Gjykaten Kushtetuese nuk arrestohet.”, shkruan ai.
Në fund të postimit të tij, Vasili i bën thirrje qytetarëve që të marrin pjesë në marshimin e thirrur nga Presidenti Meta më 2 mars për një drejtësi të njëjtë të barabartë për të gjithë. /Opinion.al
