Dashi – Jeni gati për një javë e cila do marrë kthesa të befasueshme në sferën sentimentale? Duke filluar që nga e marta, Venusi do të kthehet në pozicion favorit për shenjën tuaj. Beqarët mund të gjejnë një person që kanë pritur prej kohësh. Netët e kësaj jave mund të jenë momentet ideale për takime fatsjellëse. Fundjava parashikon emocion.
Demi – Për fatin tuaj të keq Venusi sapo ju la për tu spostuar te Binjakët. Por mos u shqetësoni, kjo nuk do të ndikojë negativisht për ata që kanë një marrëdhënie stabël. Hëna është në pozicion të favorshëm, por gjatë fundjavës parashikohen disa tensione në horizont.
Binjakët – Jeni gati për të jetuar momentet tuaja romantike? Duke filluar që nga e marta, Venusi do të jetë në shenjën tuaj. Do të nisë një periudhë shumë pozitive për sa i përket dashurisë, e cila do të sjellë emocione që ndoshta i kishit harruar. Shumë fat do të keni edhe në punë. Kujdes gjatë mbrëmjes së enjte.
Gaforrja – Për fat të keq nuk do e keni mbështetjen e plotë të Venusit këtë javë. Por mos u shqetësoni, ndoshta fluturat në stomak të periudhës së fundit nuk do jenë, por do pushtoheni nga qetësia. Mërkuri në disfavor do të krijojë probleme në punën tuaj. E premtja është dita ku do të ndiheni më tepër nervoz.
Luani – I dashur luan, më në fund ju buzëqesh Venusi edhe ju. Kohët e fundit dashuria nuk ka qenë në anën tuaj, por nga e marta do arrini të gjeni qetësinë e munguar, sidomos ju që jeni në një lidhje. Mërkuri do ju ndihmojë të keni takime fatsjellëse sidomos gjatë fundjavës.
Virgjëresha – E dashur Virgjëreshë, për fat të keq nuk ka lajme të mira për ju këtë javë. Venusi do të jetë në pozicion të vështirë për shenjën tuaj dhe do ju krijojë probleme. Sprovat e shumta do vendosin në rrezik qetësinë tuaj shpirtërore. Disa prej jush mund të përballen me një tradhti e cila do i lërë shumë dhimbje. Tregoni kujdes.
Peshorja – Më në fund ka lajme të mira për Peshoret. Jeni vendosur shumë në provë kohët e fundit, por duke nisur që nga e marta Venusi është me ju dhe do ju bëjë të buzëqeshni nga dashuria. Për ju që keni pasur tensione me partnerin gjërat do rregullohen. Shumë fat do kenë beqarët të premten dhe të dielën. Fundjava është e gjitha për relaks.
Akrepi – Do jeni të lumtur këtë javë, pasi dashuria ju buzëqesh. Periudha e fundit nuk ka qenë edhe aq e mirë për ju, por e marta sjell ndryshimin e shumëpritur. Do gjeni stabilitetin e munguar, dhe qetësinë që prisnit prej kohësh. Pak durim të hënën dhe shumë dashuri të dielën.
Shigjetari – Për fat të keq Venusi nuk është në pozicionin më të mirë për ju. Që nga e marta mund të përjetoni debate të mëdha me partnerin tuaj. Mos humbisni durimin. E enjtja dhe e diela janë ditët më të qeta për ju.
Bricjapi – Venusi do ju braktisë gjatë kësaj jave Bricjap. Në punë do keni një situatë të tensionuar, e cila do ju prishë të gjithë qetësinë. Por mos humbisni besimin në aftësitë tuaja. Në dashuri beqarët do e kenë të vështirë.
Ujori – Më në fund planeti i dashurisë do të jetë në krahun e Ujorëve. Do rikthehet pasioni i munguar, dhe gjatë të martës do të sqaroni disa situata të cilat ju kanë shqetësuar. Të hënën për fat të keq do keni një ditë të ngarkuar dhe mund të bëheni nostalgjik. Fundjava rikthen aventurat.
Peshqit – Duke nisur që nga e marta, do të përballeni me probleme në dashuri. Hëna në pozicion të kundërt do ju bëjë të mendoheni gjatë për shumë situata. Gjërat përmirësohen në fundjavë, por përpiquni të shmangni keqkuptimet./Opinion.al
