Dashi
Nëse keni nevojë për më shumë vëmendje, duhet të ngrini zërin më shpesh. Ju takon juve të jeni në “qendër të skenës” gjatë kësaj kohe. Nëse nuk e shfrytëzoni këtë moment, dritarja e mundësive do të fillojë të mbyllet.
Demi
Aktualisht nuk ka asgjë të keqe të keni një sjellje më pak serioze se zakonisht. Lejojeni veten të argëtoheni më shumë. Rekomandohet të dëgjoni më shumë muzikë ose të shëtisni me miqtë tuaj.
Binjakët
Mos hezitoni të ndihmoni një mikun/miken tuaj, që ka qenë gjithnjë i gatshëm për ju në çdo moment. Patjetër që duhet t’i jepni atë që kërkon, nëse keni mundësi. Në aspektin profesional nuk përjashtohet mundësia e një zhvillimi mjaft pozitiv.
Gaforrja
Marrëdhënia juaj romantike mund të futet në një fazë më të qëndrueshme. Do të bëni hapa para duke krijuar gjëra të reja së bashku. Megjithatë, tregohuni të kujdesshëm për çdo detaj rreth jush.
Luani
Bëni diferencën mes të qenurit kurnac dhe kursimtar. Paratë janë tuajat dhe mund t’i shpenzoni si të dëshironi, por mos kurseni kur nuk është e nevojshme. Nëse tregoheni kurnac, nuk do të merrni asnjëherë shërbimin e duhur.
Virgjëresha
Arritjet tuaja të fundit kanë qenë të mrekullueshme, por kjo nuk do të thotë të mjaftoheni me kaq. Gjithmonë do t’ju duhet të gërmoni më shumë për të ecur përpara dhe për të qenë gjithnjë të përgatitur.
Peshorja
Shmangni punët e vështira fizikisht sot, pasi nuk do të keni energjinë e duhur për t’i përmbushur ato. Përpiquni të relaksoheni, nëse e ndjeni të nevojshme. Parteri/partnerja juaj do t’ju ndihmojë maksimalisht sot.
Akrepi
Mos i besoni shumë rrethit tuaj shoqëror. Fjalët po ju rrjedhin, ashtu sikurse edhe sekretet. Bëni shumë kujdes me kë bisedoni. Zgjidhni fjalët me zgjuarsi dhe mos flisni më shumë seç duhet.
Shigjetari
Keni qenë paksa të tensionuar kohët e fundit, por gjërat po fillojnë të zënë vend. Çlodhja dhe komoditeti do të jenë më të rëndësishme sot sesa shpejtësia. Keni më shumë kohë në dispozicion seç mendoni.
Bricjapi
Nëse do të keni kohë të lirë sot, rekomandohet që disa persona të kësaj shenje të bëjnë punë kërkimore. Merrni të gjithë informacionin e duhur për të bërë lëvizjet e duhura. Lidhja juaj në çift mund të pësojë një pikë kthese, çfarë do t’ju bëjë të ndiheni më mirë.
Ujori
Çdo marrëveshje që mund të bëni sot në biznes apo çdo vendim që mund të merrni për një blerje të rëndësishme do të kërkojë vëmendjen tuaj maksimale. Mos neglizhoni në asnjë moment, pasi mund t’ju kushtojë shtrenjtë edhe një detaj i vogël.
Peshqit
Nëse dëshironi më shumë romancë në marrëdhënien tuaj, një prej detyrave më të vështira do të jetë një listë me pëlqimet dhe mospëlqimet tuaja, të cilat përgjithësisht janë pjesë e bisedës së parë me dikë që preferoni. Analizoni mirë se kush jeni dhe çfarë kërkoni në jetë apo nga partneri/partnerja juaj./ Opinion.al
