Dashi – Nëse jeni në një marrëdhënie sentimentale është momenti t’i tregoni partnerit dashurinë dhe vlerësimin që keni për të. Për këdo që është vetëm, mos i refuzoni ftesat, pasi dita mund të rezervojë surpriza.
Demi – Dëgjoni arsyen dhe mos u ndikoni nga të tjerët. Disa çështje kërkojnë reflektim dhe qetësi, diçka që duhet ta ndiqni në letër sot. Shmangni çdo debat në çift dhe tregohuni të duruar duke dëgjuar mendimin e tjetrit.
Binjakët – Dita e sotme do të jetë e mbushur me ndodhi dhe situata që do të kërkojnë vëmendje maksimale, ndaj bëni mirë që të ruani qetësinë dhe të veproni me kujdes. Në punë është e këshillueshme që të mos merrni mend e të tjerëve, por veproni në bazë të eksperiencës personale.
Gaforrja – Çështje të caktuara në punë kërkojnë kohë dhe ritëm. Sot mund të jetë momenti i duhur për të përmbyllur një projekt për të cilin punoni prej kohësh. Mbrëmjen kushtojani familjes dhe njerëzve që keni përzemër.
Luani – Ndonëse një ditë mjaft e ngjeshur, pasditja do të jetë plot surpriza. Bëni kujdes me financat dhe përpiquni që të llogarisni të ardhurat që ju duhen për muajin që sapo ka nisur. Në të kundërt rrezikoni që fundi i tij t’ju gjejë në vështirësi.
Virgjëresha – Ka diçka që ju shqetëson ditët e fundit. Ndonëse jeni të ndërgjegjshëm që duhet të përballeni me këtë problem, vijoni të mbyllni një sy. Kujdes, pasi kështu rrezikoni që të akumuloni gjithnjë e më shumë, duke e bërë zgjidhjen edhe më të vështirë.
Peshorja – Jeta në çift po merr një tjetër rrjedhë, e kjo është diçka tepër pozitive. Ka ardhur koha që puna dhe gjërat e tjera që marrin vëmendjen tuaj të kalojnë në plan të dytë. Shpesh për hir të problemeve, njerëzit lenë mënjanë atë që kanë duke mos u kujdesur sa duhet.
Akrepi – Ditëve të lodhshme po i vjen fundi. Planifikoni diçka me familjen, ndoshta një udhëtim, apo edhe pushimet e verës. Situata në punë vijon të jetë e pandryshuar, e mbushur me stres dhe lodhje. Bëni edhe pak durim.
Shigjetari – Këshilla më e mirë që mund t’i jepni një miku në vështirësi është që të tregohet i matur dhe të mendojë përpara se të veprojë. Mos merrni përsipër që të zgjidhni problemet e të tjerëve. Mjaftohuni duke i dëgjuar e këshilluar.
Bricjapi – Dikush që keni pranë do të ketë nevojë për mbështetjen dhe mendimin tuaj. Ditëve kur nuk iu dilte koha për të marrë frymë po i vjen fundit. Ky është një lajm shumë i mirë, që do t’ju krijojë mundësinë për t’ia nisur nga planet.
Ujori – Mos u ndikoni nga mendimi i të tjerëve dhe qëndroni larg thashethemeve. Nëse nuk jeni të sigurt sesi duhet të përballeni me një problem të caktuar, mos u shqetësoni. Do të shihni se zgjidhja do të vijë rrugës, por për këtë është e nevojshme që të përqendroheni në atë që keni përpara, pa u ndikuar nga të tjerët.
Peshqit – Kërkoni gjithnjë të merrni më të mirën nga ata që ju rrethojnë, edhe kur përballeni me njerëz negativë që kërkojnë t’ju pengojnë. Me qetësi dhe inteligjencë mund t’ia dilni fare lehtë që t’i anashkaloni pengesat dhe t’i tregoni atyre se nuk do të mund t’ia dalin.
