Dashi – Përgatituni që të kaloni një pjesë të mirë të ditës vetëm. Një histori që do të dëgjoni, apo ndoshta një ndodhi e shkëputur nga një libër, do t’ju fusë në mendime dhe do t’ju bëjë të reflektoni rreth gjërave. E gjitha kjo do të jetë në funksion të produktivitetit, mbi të gjitha në punë.
Demi – Do ta keni disi të vështirë të gjeni gjuhën e përbashkët me të tjerët. Kjo pasi vëmendjen do ta keni të përqendruar diku tjetër. Mos e humbi fokusin nga gjërat që kanë nevojë për mendimin tuaj. Ndoshta diçka ju shqetëson dhe do të ishte mirë t’i jepnit zgjidhje, në mënyrë që të mos kthehet në pengesë.
Binjakët – Duket sikur çdo gjë po fuksionon kundra jush. Mos u shqetësoni janë probleme kalimtare dhe shumë shpejt do të gjeni ekuilibrin. Kohët e fundit, si mendja ashtu dhe zemra janë fokusuar diku tjetër. Gjeni ku dhe flisni hapur, mund të suprizoheni nga rezultati.
Gaforrja – Nuk do të jetë dita më e mirë për të dhënë maksimumin në punë, apo në një projekt që po punoni. Nuk ka vend për t’u shqetësuar. Ajo që ju duhet është pak pushim dhe relaks. Largoni stresin e gjithçka do t’i rikthehet normalitetit.
Luani – Dashuri e afeksion janë dy gjërat që do t’ju shoqërojnë përgjatë gjithë ditës së sotme. Shijojeni të gjithë këtë pozitivitet që ju rrethon dhe mos u shqetësoni se çfarë rezervon e nesërmja.
Virgjëresha – Nëse po përballeni me vështirësi, arsyeja mund të jetë pavendosmëria për të marrë vendime të vështira. Natyra e qetë dhe e dashur që ju karakterizon e bën të vështirë të tregoheni të prerë, ashtu sikurse i jep mundësinë të tjerëve t’ju manipulojnë. Merrni situatën nën kontroll.
Peshorja – Pas futunës së madhe ka gjithmonë pasoja, por kjo nuk duhet t’ju trembë e as t’ju stepë. Mos u shqetësoni dhe bëni atë që ju thotë zemra. Do të shihni që me dialog dhe qetësi do të zgjidhni gjithçka. Pasditen shfrytëzojeni për të takuar miq apo njerëz të dashur.
Akrepi – Sot është një nga ato ditët që do ta gjeni veten me dëshirën për të bërë shumë gjëra, por pa asnjë ide. Mos e vrisni mendjen dhe merreni ditën si t’ju vijë. Bëjeni ju hapin i pari. Merrni dikë të telefon, ftoni miq për drekë apo darkë. Ndonjëherë është mirë të largosh stresin duke bërë gjëra spontane.
Shigjetari – Kjo do të jetë një ditë e bukur. Gjërat po shkojnë shumë mirë dhe kjo do t’ju bëjë të ndiheni plot energji e me dëshirën e madhe për të qenë të suksesshëm në çdo aspekt. Shfrytëzojeni pozitivitetin për të bërë plane afatgjata.
Bricjapi – Sot do të jeni kaq të pavendosur sa do ta keni të vështirë të zgjidhni çfarë të hani për drekë. Përgjegjës për këtë situatë jeni vetë ju, këtë mos e harroni. Lodhja e tepruar dhe mendimet e shumta që keni në kokë ju shpërqendrojnë dhe ju bëjnë të pavendosur. Jepini pak kohë vetes për t’u qetësuar dhe largojeni stresin e punës.
Ujori – Kushtojani ditën njeriut të zemrës, pasi e keni lënë pasdore kohët e fundit. Puna është e rëndësishme, por mos e lejoni që të marrë më të mirën nga ju dhe jeta juaj. Përpiquni të gjeni ekuilibrin.
Peshqit – Një problem që ju shqetëson prej kohësh po ju krijon probleme si në punë, ashtu edhe në marrëdhënie me të tjerët. Ka ardhur koha t’i jepni zgjidhje. Mos kini frikë të përballeni me asgjë, pasi me ndjeshmërinë dhe pozitivitetin që ju karakterizon mund të tejkaloni çdo pengesë./tvklan.al
