Dashi – Tregojini herë pas here të tjerëve sa të zotë jeni në punën që bëni, jo për të krijuar armiq, por për t’u treguar vendin që u takon. Mund të tregoheni modestë dhe të rezervuar, e megjithatë të shpalosni aftësitë tuaja.
Demi – Gjithçka ndodhi dje do të përsëritet, me të mirat e të këqijat. Merreni shtruar dhe për çdo dyshim mos nguroni të bëni verifikimet e duhura. Në mbrëmje do të keni mundësinë të kaloni momente romantike me partnerin.
Binjakët – Bëni kujdes dhe mos flisni më shumë seç duhet, pasi rrezikoni të bëni armiq. Mos lejoni gojën të flasë para mendjes. Jeni të ndërgjegjshëm se në të shkuarën keni humbur njerëz për shkak të kësaj sjelljeje.
Gaforrja – Është dita perfekte për të ftuar miq në shtëpi. Mënyra më e mirë për t’i treguar të tjerëve rëndësinë që kanë është duke “ua bërë qejfin”, qoftë me gjëra të vogla.
Luani – Kjo periudhë ka qenë mjaft pozitive dhe nuk mund të ndiheshit më të lumtur se kaq. Por java që vjen do të jetë edhe më interesante. Një njohje e re do të bëjë që gjithçka të shkojë edhe më mirë.
Virgjëresha – Nëse do të vijoni me këtë sekret, do t’ju çmendë. Doni t’i thoni një njeriu të caktuar diçka të rëndësishme, por nuk jeni të sigurt nëse duhet ta bëni një gjë të tillë, e paqartësia nuk është gjendja juaj e zakonshme. Masni mirë situatën dhe pastaj merrni një vendim.
Peshorja – Po e shihni të ardhmen me një ndjenjë pozitive dhe kjo është padyshim mënyra më e mirë. Megjithatë, kjo nuk është e mjaftueshme ndaj kur të vijë momenti për të bërë hapin e duhur, mendoni me qetësi dhe zgjidhni fjalët.
Akrepi – Nuk ju ka kapur ende paniku, megjithatë stresi po bën punën e vet. Sot në mëngjes nuk do të ndiheni vetvetja dhe do të keni një dëshirë të madhe për t’i treguar të tjerëve sa arritje keni deri tani.
Shigjetari – Dëshira për të udhëtuar është ende e fortë, madje nëse keni plane do të mendoni për të gjetur një mënyrë si ta zgjasni udhëtimin edhe më shumë. Nëse ende nuk kenni bërë një plan, le të themi që nuk do të ndiheni të lumtur derisa të bëni një të tillë.
Bricjapi – Prej disa kohësh po përpiqeni të fshihni tërheqjen që keni kundrejt një personi dhe tashmë e keni gjetur mënyrën. Nuk do të lejoni ndjenjat të mbizotërojnë dhe do të mendoni me kokë e jo me zemër. Por kujdes, disa gjëra nuk janë aq të lehta për t’u kontrolluar e ndoshta do të ishtë me mirë të tregoheshit të sinqertë.
Ujori – Një person me të cilin ndani një pjesë të mirë të kohës do t’ju thotë se çdo minutë që keni investuar nuk ka shkuar dëm. Jeni njeri që dini të dëgjoni dhe të kuptoni ndjenjat e atyre që ju rrethojnë dhe kjo bën që të tjerët të kenë dëshirë të rrethohen nga ju.
Peshqit – Do të përballeni me dikë që njihni prej kohësh, në situata të ndryshme, shpesh për çështje pune. Ajo që mund të mos dini është se në fshehtësi ky person ka qenë gjithnjë në krahun tuaj e kjo do të bëjë që ta shihni me sy tjetër.
