Dashi – Shfrytëzojeni ditën për t’u argëtuar. Shijoni shoqërinë e familjarëve dhe miqve tuaj dhe mos e mbani mendjen te puna e paratë. Relaksohuni dhe lërini të tjerët të kujdesen vetë për veten. Ju pëlqen që të kujdeseni për të tjerët dhe të siguroheni që po kalojnë mirë, por duhet të kujdeseni edhe për veten ndonjëherë. Dikush mund t’ju bëjë një suprizë sot.
Demi – Ata që ju rrethojnë do të jenë të mbushur me energji negative sot, ndaj përpiquni mos përfshiheni në asnjëlloj debati apo konflikti. Nëse pyesni dikë për këshillë ka shumë gjasa të merrni një të gabuar. Më e mira që mund të bëni është që t’i mbani gjërat për vete. Gjërat do të jenë më qetë nesër.
Binjakët – Mund të ndiheni krenar për veten. E keni ushtruar veten që të mbështeteni tek dija dhe aftësitë tuaja. Miq dhe familjarë do të vijnë tek ju për t’u këshilluar dhe me të drejtë. Megjithatë, bëni kujdes mos bëheni mendjemadh, pasi është shumë e lehtë në këto raste. Duhet të tregoheni të matur dhe të mbështeteni në inteligjencën tuaj, në mënyrë që të qëndroni në ekuilibër.
Gaforrja – Ftoni për darkë miq dhe njerëz që keni për zemër dhe shijoni bisedat me ta. Në një moment të ditës mund t’ju kapë një gjendje trishtimi, pasi do të ndjeni mungesën e dikujt që duhet të ishte mes jush. Më e mira që mund të bëni është që të përqendroheni tek ata që ju rrethojnë, pasi janë njerëz që ju duan.
Luani – Sot do të kaloni shumë kohë me familjen, megjithatë pasdite do të keni kontakte me shumë miq e të njohur. Në një moment të ditës do të jeni në qendër të vëmendjes. Do të ndiheni tepër të vlerësuar dhe mirënjohës për fatin që ju ka rënë.
Virgjëresha – Është një moment shumë i mirë për të përfituar nga vetmia dhe për të përmbushur disa qëllime. Përqendrimi dhe imagjinata janë në nivele të larta dhe nuk do të ndaleni derisa të mbaroni punën e nisur. Nëse keni nisur një projekt do të rezultojë tepër i suksesshëm.
Peshorja – Dita është e përkryer, por do të jeni dembelë dhe si të përgjumur. Merrni pak kohë për veten. Dilni me shoqërinë ose me partnerin/en, pasi kjo do të jetë e dobishme. Nëse keni lindur në shtator, në mbrëmje do të jeni me fat.
Akrepi – Jeni shpesh të zënë me punën dhe keni lënë partnerin pas dore. Lini mënjanë impenjimet dhe shijoni një drekë me njeriun e zemrës. Do t’ju duhet pak argëtim dhe bisedoni bashkë për të ardhmen.
Shigjetari – Mos planifikoni asgjë. E gjithë ditë do të jetë me të papritura. Njerëzit e familjes i keni lënë pas dore, tregojuni atyre sa të rëndësishëm janë. Në fund të ditës do të kënaqeni pa fund me shoqërinë.
Bricjapi – Deri në mbrëmje ata që i përkasin shenjës së Bricjapit do të ndihen të lirë për të bërë çfarëdo që duan. Gëzoni lirinë tuaj që do t’ju sjellë kënaqësi. Nëse jeni në kërkim të një lidhjeje bëni ftesa, e po ashtu as mos refuzoni. “Fikeni” mendjen për problemet dhe argëtohuni.
Ujori – Çdo detyrë do të jetë më e lehtë për t’u përballuar në një atmosferë të qetë. Jeni të sigurt në hapat që po ndërmerrni. Nëse jeni të lindur në mes të shkurtit do kaloni një ditë më dyshime për njerëzit që ju rrethojnë.
Peshqit – Një takim romantik ju pret sonte dhe partneri do ta bëjë edhe më interesante këtë mbrëmje. Megjithatë, faktorë të jashtëm jashtë kontrollit tuaj, mund të ndërhyjnë në planet tuaja dhe kjo mund të shkaktojë bezdi apo dhe pakënaqësi. Mos u shqetësoni, deri nesër do të ketë kaluar./tvklan.al
