Ditën e shtunë mijëra gra dhe vajza marshuan në rrugët e Amerikës për të protestuar për të drejtat e tyre. Mes tyre edhe shumë emra të njohur të botës së artit dhe showbizit.
Një ndër më të spikaturat ishte edhe këngëtarja Madonna, e cila mbajti edhe një fjalim me tone të forta përpara turmës.
Krahas shumë përkrahësve të kësaj nisme, ishin dhe ata që kanë shprehur mos pëlqimin e tyre.
Katie Hopkins, me një shkrim të publikuar në “Daily Mail” ka argumentuar pse nuk e përkrahte protestën e të shtunës.
“Te kesh një vaginë është diçka biologjike dhe jo argument politik”
Kjo fjali përmbledh kuptimin e përgjithshëm të shkrimit të Hopkins.
Ajo ka thënë se shumica e grave që kishin vënë në kokë këpucët rozë nuk e dinin se për çfarë po protestonin.
“Dua të theksoj faktin se demokracia është sistemi elektoral i kolegjeve, sipas të cilit Trump e ktheu hartën nga blu në të kuqe.”
Sipas Katie protesta e të shtunën rezultoi të ishte, jo vetëm kundër Trump, por kundër çdo mashkulli, përveç atyre që janë duke u kthyer në gra.
“Të qenit grua nuk është e mjaftueshme. Ai ishte një marsh i përcaktuar sipas gjinisë e jo qëllimit, ashtu sikurse ishte edhe fushata e Clinton. Një marshim që u shoqërua nga pallavra të pakuptimta të folësve.”
Ajo ka thënë se inati nuk mjafton dhe se feminizmi duhet të bëj gjëra më të mira se kjo.
“Hilary u mundua të fitonte duke bërë çdo gjë që gratë bënë sot, duke qenë një grua, një grua që donte të bëhej kandidate për të gjithë ato që u ndien të viktimizuar nga shoqëria. Ajo ishte kandidate e çdo shkaku, por mjeshtre e asnjërit.” ka përmbyllur Hopkins që qëndrimin e saj./ përgatiti OPINION.AL
