Aktori i njohur i Hollywood-it, Max Von Sydow, është ndarë nga jeta në moshën 90-vjeçare. Lajmi u bë i ditur nga familja e tij, e cila njoftoi se ai ndërroi jetë të dielën, pa dhënë të tjera detaje.
Sydow, ka interpretuar në filma dhe seriale televizive shumë të famshëm si “The Exorcist”, “Pelle The Conqueror”, “Flash Gordon” dhe “Game of Thrones”.
Ai u nominua për dy çmime “Oscars” gjatë karrierës së tij, një në vitin 1998 dhe më pas në vitin 2011. Po ashtu ai është nominuar për një Emmy në vitin 1990 për rolin e tij në thrillerin e HBO “Red, White Knight”.
Max Von Sydow njihet edhe për role te tjera në filmat, “Hannah and Her Sisters”, “The Seventh Seal” dhe “Star Wars: The Force Awakens”.
Aktori identifikohej në Hollywood për rolet negative, por në një intervistë më 2014 u shpreh se “është shumë e mërzitshme të kesh ngecur pak a shumë në një lloj personazhi”./Opinion.al
