Ministri i Jashtëm në detyrë Gent Cakaj, ka folur në lidhje me votimin e parlamentit holandez për pezullimin e vizave ndaj Shqipërisë.
Cakaj u shpreh se Shqipëria po pret që KE të refuzoj mocionin e parlamentit të Holandës. Po ashtu, ministri tha se vendi po pret rekomandimin për çeljen negociatat me BE.
Ai theksoi se nuk ka kthim të liberalizimit të vizave me Shqipërinë, ndërsa sipas tij, Ministria e Jashtme është angazhuar për përmbushjen e të gjithave kërkesave për rekomandim pozitiv nga Komisioni
“Vendimi i marrë nga parlamenti holandez është i motivuar politikisht. Kjo për shkak të zgjedhjeve në Holandë, ku ka parti me qaje përjashtuese ndaj vendeve që nuk janë anëtare të BE dhe ka rritje të populizmit të djathtë. Në këtë vendim të parlamentit holandez ndikon rritja e kërkesave për migracion, si dhe rritja e kërkesave për azil.
Faktor tjetër është edhe cenimi i sigurisë së publike të Holandës dhe shteteve të tjera në BE. Presim që Komisioni Europian të japë përgjigje negative ndaj vendimit të parlamentit holandez. Vendimi i marrë nga parlamenti holandez nuk duhet të cënojë për asnjë moment raportet mes Holandës dhe Shqipërisë”, tha Cakaj./Opinion.al E.Xh
