Qeveria holandeze po punon për t’i dhënë fund të gjitha importeve të gazit natyror të lëngshëm nga Rusia, sipas ministrit të Energjisë Rob Jetten.
“Holanda ndaloi nënshkrimin e kontratave të reja për importet e LNG nga Rusia këtë vit, dhe po punon për mbylljen e kontratave para-ekzistuese”, tha ai në një intervistë në zyrën e tij në Hagë.
Ai theksoi se kanë qenë të suksesshëm në prodhimin e qymyrit, gazit të tubacionit dhe naftës, prandaj duhet të sigurohen që të mos mbesin shenja të energjisë ruse në sistemin e tyre.
“Ne duhet të sigurohemi që nuk ka energji fosile ruse në sistemin tonë dhe ne kemi qenë të suksesshëm në qymyrin, gazin e tubacionit dhe naftën. Jemi duke zhvilluar shumë biseda me kompanitë që përdorin objektet për të hequr gradualisht marrëveshjet para-ekzistuese të LNG”, shtoi ai.
Pushtimi rus i Ukrainës vitin e kaluar shkaktoi një krizë historike energjetike në Evropë. Furnizuesi Gazprom PJSC kufizoi shumicën e furnizimeve të gazsjellësit në rajon mes sanksioneve perëndimore. Për të mbushur boshllëkun, Evropa është mbështetur në importet e LNG-së, kryesisht nga SHBA-ja dhe Katari, por edhe nga Rusia, ish-ofruesi kryesor i gazit.
Tani, disa vende po kërkojnë t’i japin fund atyre lidhjeve me Moskën./Opinion.al
