Holanda mposhti 4-2 në Hamburg, Gjermaninë në ndeshjen e vlefshme për kualifikuesit e Euro 2020. Kjo ishte një përballje më shumë rëndësi për holandezët që në rast humbjeje rrezikonin kualifikimin pasi do mbeteshin në kuotën e 3 pikëve pas 3 ndeshjeve të para.
Tani llogaritë mirë duhet t’i bëjë kombëtarja gjermane. Me Irlandën e Veriut, që ka pikë të plota pas 4 ndeshjesh, gjermanët nuk janë aspak të sigurt se do të shkojnë në Euro 2020, diçka që e theksuan mediat, ndërsa trajneri Joakim Lëv u duk i dorëzuar.
Gazetat në Gjermani nuk e kursyen trajnerin dhe as skuadrën. Kritika të mëdha pati për vendimin e trajnerit që aktivizoi lojtarin e Shalkes, Mark Uth, të vetëm në sulm, ndonëse ai nuk ka shënuar asnjë gol këtë sezon.
Gjithsesi, gjermanët ishin me mungesa si Marko Rojs, Ilkai Gyndogan e Leroi Sane, që të gjithë të dëmtuar. Tashmë, Gjermania duhet të shmangë me patjetër humbjen në fushën e Irlandës së Veriut në 9 shtator, ndërsa vendimtare mund të jetë sfida e dytë me këtë kundërshtar, në 19 nëntor në Frankfurt. Irlanda e Veriut kryeson me 12 pikë, Gjermania ka 9, dhe Holanda 6, por me një ndeshje më pak./ Opinion.al
