Holanda ka dorëzuar sot përmes përfaqsuesit të saj të përhershëm në BE, Robert de Groot, rezolutën e miratuar pak kohë më parë në Parlament, që kërkon rikthimin e vizave për shqiptarët.
Letra i drejtohet Komisionerit për Emigracionin dhe Punët e Jashtme, Dimitris Avramopulos, ku i kërkohet të merret në konsideratë kërkesa e Parlamentit Holandez.
Argumentat që përmenden në letrar janë aktiviteti i shtuar kriminal i shqiptarëve në Holandë, përdorimi si pikë transiti për të kaluar në Mbretërinë e Bashkuar dhe numri në rritje i azilantëve.
Në përfundim kërkohet prej Komisionit Europian që “të shqyrtojë informacionin e dhënë dhe të konsultohet me vendet anëtare për të vendosur të veprojnë në bazë të artikullit 8(6a)”.
Reagimi i ambasadës holandeze
Parlamenti Hollandez i kërkoi Qeverisë hollandeze në datën 16 Prill të aktivizonte mekanzimin e pezullimit të vizave për Shqipërinë për shkak të shqetësimeve në lidhje me krimin e organizuar. Për ta ekzekutuar këtë mocion, qeveria Hollandeze i dërgoi një letër njoftuese Komisionit Europian në datën 31 Maj. Në këtë letër, Komisionit i kërkohet të shqyrtojë informacionin e dërguar nga Hollanda dhe në konsultim me vendet anëtare të vendosë në lidhje me nevojën për të vepruar. Hollanda e vlerëson bashkëpunimin konstruktiv dhe të vazhdueshëm me qeverinë dhe autoritetet shqiptare në luftën kundër krimit të organizuar. Të dyja vendet po punojnë në fuqizimin e mëtejshëm të këtij bashkëpunimi. Në vijim të letrës njoftuese, Komisioni Europian do të vlerësojë nëse do të ketë nevojë për të ndërmarrë veprim. Komisoni do të informojë Parlamentin Europian dhe Këshillin Europian mbi rezultatet e këtij vlerësimi. Deri në një njoftim tjetër, politika e vizave për nënshtetasit shqiptarë do të mbetet e njëjtë: qytetarët shqiptarë mbajtës të një pashaporte biometrike nuk kanë nevojë për viza për të udhëtuar në zonën Shengen për maksimumi 90 ditë brenda një periudhe prej 180 ditësh./Opinion.al
