Ka përfunduar ndeshja mes Holandës dhe Ekuadorit për Kupën e Botës. Ishte ekipi holandez ai që kaloi në avantazh në minutën e 6 me Cody Gokpo, ndërsa barazimi për Ekuadorin erdhi me fillimin e pjesës së dytë. Autor i golit është Enner Valencia. Ekuadori shkoi pranë golit të dytë, por u ndal nga shtylla.
Ndërkohë Katari që është dhe vendi organizator i Kupës së Botës është skuadra e parë që u eleminua pasi pësoi humbjen e dytë.
Pas dy ndeshjeve, ku në të dyja pësoi humbje nga Ekuadori dhe Senegali, aventurës së tyre në Kupën e Botës i erdhi fundi. Kështu, Katari u bë mikpritësi i parë në histori që eliminohet menjëherë pas dy ndeshjeve nga Kampionati Botëror.
