Ish-Kryeministri Edi Rama në një ditë si kjo kur duhej të përballej jo vetëm me opozitën por edhe me mijëra që e ndjekin parlamentin përmes ekranit për ligjin e mbetjeve, ka zgjedhur të shpëtojë përmes një varke që e përdor shpesh. Batutave, ironive me deputetët e PD por edhe me të tijët. Por apo e tepron Edi Rama, kryesisht me kunjat që hedh ndaj Jozefina Topallit?
Më poshtë disa prej shprehjeve të Kryeministrit në sallën e parlamentit
Rama- Edi Palokës: Mes teje dhe botës së kulturës ekziston gjithmonë një pikë bastesh.
(Sali Berishës) Partinë Demokratike atëherë e udhëhiqte ky që e udhëheq edhe sot, por atëherë e udhëhiqte me orë të plota.
Rama-Flamur Nokës: Ti je te shoqëruesit, jo te badigardët, je një nivel më lart
Rama- Sali Berishës: Nuk të kam pyetur, ke qenë pro apo kundër Festivalit të 11-të, se për Festivalin Folklorik e di që ke qenë pro
Rama: Jozefina Topallit” E di Jozefinë që ke qejf të shkosh në stadiumin e Shkodrës, por nuk e kuptoj si ke mujt me nejt te tribuna VIP e atij stadiumit me karriget si trekëndesh dhe me një kunj hekuri në mes.
Rama-deputetëve të tij: Ka këtu nga ana që s’e kanë kuptuar ligjin, por këta i kemi për të prish syrin e keq në parti.
