Të tjera detaje janë zbardhur lidhur me ngjarjen e rëndë të ndodhur në Folegandros të Greqisë, ku një 30-vjeçar ka vrarë të dashurëne tij duke e hedhur nga shkëmbi.
Nga ekspertiza e trupit të 26-vjeçares Garyfallia, rezulton se ajo ka humbur jetën nga mbytja, pasi është hedhur nga shkëmbi ajo përfundoi në det.
Gjithashtu, dëmtimet e gjetura në trupin e saj ishin në përputhje me dëmtimet që rezultuan nga goditjet në shkëmbinj.
30-vjeçari, i dashuri i viktimës rrëfeu ngjarjen në polici në orët e para të së dielës dhe u arrestua. Sipas autoriteteve, të dy ata kanë pasur zënka ditët e fundit. E njëjta gjë ndodhi të premten pasdite, ndërsa ai ishte në lëvizje në makinë.
30-vjeçari ka nxjerrë automjetin nga rruga dhe e është afruar në shpatin shkëmbor. Në këtë moment vajza ka dalë nga mjeti, ndërsa janë zënë me njëri-tjetrin. Sipas tij vajza e ka goditur me gurë dhe më pas ka rënë në det. I riu pretendon se ai u zhyt në det për ta ndihmuar, por kur e pa të dashurën pa ndjenja është larguar.
Ngjarja është parë nga një grua në Folegandros , e cila rastësisht kaloi pranë dhe njohu 30-vjeçarin i cili ishte i fshehur dhe i frikësuar në zonën shkëmbore. Në këtë moment ajo ka njoftuar policininë, të cilët pasi mbërritën bënë arrestimin e tij.
Në momentin që u arrestua, 30-vjeçari u tha policëve “djema çfarë bëra, ishte moment i keq“. Pastaj ai u dërgua në stacionin policor të ishullit./ Opinion.al
