Protestuesi Bledar Krasniqi është lënë i lirë ditën e sotme nga Gjykata e Tiranës.
Ndaj tij është caktuar masa e sigurisë detyrim paraqitje teksa këtë të diel la ambientet e paraburgimit ku ndodhej prej 2 ditësh.
Krasniqi u arrestua pas protestës së fundit që u zhvillua nga opozita para Bashkisë së Tiranës, me akuzën e hedhjes së molotovëve në drejtim të policisë dhe godinës së bashkisë.
Mbi 39-vjeçarin rëndojnë veprat penale “Prishja e qetësisë publike”, “Goditjet për shkak të detyrës”, “Shkatërrimi i pronës me zjarr”, “Shkelja e rregullave mbi lëndët plasëse dhe djegëse”, dhe “Kundërshtimi i punonjësit të policisë së rendit publik”.
