Një 44-vjeçar është kapur nga policia, pasi akuzohet se hodhi fletët e votimit të veten dhe të nënës në koshin e mbeturinave.
Uniformat blu bëjnë me dije se ngjarja ka ndodhur rreth orës 13:50, në KZAZ Nr. 20, Krujë, ku shtetasi B. T. kishte marrë 2 fletë votimi nga Qendra e Votimit, i ka dëmtuar dhe i ka hedhur ato në koshin e mbeturinave.
“Rreth orës 13:50, Komisioni i Qendrës së Votimit 1285/2, KZAZ Nr. 20, Krujë, ka kërkuar ndihmë nga Policia e Shtetit, pasi shtetasi B. T. kishte marrë 2 fletë votimi nga Qendra e Votimit dhe ishte larguar.
Shërbimet e Policisë kanë organizuar menjëherë punën dhe si rezultat kanë kapur dhe shoqëruar në Komisariat, shtetasin B. T., i cili pasi ka marrë me vete 2 fletët e votimit (të veten dhe të nënës), ka dalë nga Qendra e Votimit, i ka dëmtuar fletët e votimit dhe i ka hedhur ato në koshin e mbeturinave.
Në përfundim të veprimeve të kryera në drejtimin e Prokurorisë, shtetasi B. T., 44 vjeç, banues në Tapizë, është arrestuar në flagrancë, për veprën penale “Dëmtimi me dashje i materialit zgjedhor”.
Policia ka sekuestruar 2 fletët e votimit që ky shtetas mori nga Qendra e Votimit”, tha policia.
Në drejtimin e Prokurorisë po vijojnë veprimet hetimore për zbardhjen e plotë të rrethanave të këtij rasti./Opinion.al
