Nënë e bijë janë plagosur lehtë ditën e djeshme pas një ngjarje të pazakontë ndodhur në kryeqytet.
Sipas informacioneve nga policia bëhet me dije se dje janë referuar materialet në Prokurorinë pranë Gjykatës së Shkallës së Parë Tiranë për shtetasen M. B., 33 vjeçe, banuese në Tiranë.
Gruaja e sipërpermendur në rrugën “Gjergj Legisi”, ka hedhur një bidon plastik me një sasi municioni (fishekë), në kazanët e mbetjeve të riciklueshme.
Për shkak të temperaturës së lartë, disa prej fishekëve kanë shpërthyer, duke dëmtuar lehtë M. B. dhe vajzën e saj të mitur 7 vjeçe, banuese në Tiranë.
Materialet u referuan në Prokurorinë pranë Gjykatës së Shkallës Parë Tiranë, për veprime të mëtejshme./Opinion.al
