Hodhën sende të forta në fushë gjatë ndeshjes Partizani-Elbasani, policia procedon tre të rinj. Policia e Tiranës ka proceduar në gjendje të lirë tre të rinj pas ndeshjes së djeshme shtetasit me iniciale E. P., 36 vjeç, B. H., 25 vjeç dhe A. K., 35 vjeç.
25-vjeçari dyshohet se hodhi sende të forta në fushë, gjatë ndeshjes së futbollit “FK Partizani-FK Elbasani”, 35-vjeçarit iu gjetën lëndë piroteknike, ndërsa 36-vjeçarit iu gjet një mjet prerës.
“Specialistët për Hetimin e Krimeve të Komisariatit të Policisë Nr. 4 referuan materialet në Prokurori, ku nisi procedimi në gjendje të lirë për shtetasit E. P., 36 vjeç, B. H., 25 vjeç dhe A. K., 35 vjeç, pasi 25-vjeçari dyshohet se hodhi sende të forta, në fushë, gjatë ndeshjes së futbollit “FK Partizani-FK Elbasani”, shtetasit A. K. iu gjetën lëndë piroteknike, ndërsa 36-vjeçarit iu gjet një mjet prerës. Sendet që posedoheshin ilegalisht u sekuestruan me cilësinë e provës materiale”, njofton policia.
