Një grup hajtudësh në Tiranë kanë arritur të vjedhin nga banesa e krytares së shoqatës “Gruaja” Ndriçime Zekaj mbi 110 mijë euro dhe se një pjesë të këtyre parave kanë dashur t’i përdorin për nxjerrjen nga burgu të vëllait të njërit prej autorëve të kësaj vjedhje.
Bëhet fjalë pëR E.Muça, i cili momentalisht ndodhet në burg, pasi është arrestuar nga policia për një krim. Për këtë të dënuar është lënë mënjanë një shumë prej 15 mijë euro me qëllim pagimin e gjyqtarëve dhe avokatëve që do të mundësonin lirimin e E.Muçës nga qelia. E. Muça, është vëllai i Elton Muçës, njërit prej autorëve të grupit prej 6 anëtarësh që arritën të vjedhin banesën e kryetares së shoqatës “Gruja” Ndriçime Zekaj, e cila mësohet se zotëron dhe një biznes tregtar në kryeqytet.
Në vjedhjen e banesës së saj të ndodhur në 7 shkurt 2015 kanë marrë pjesë pesë persona mes tyre dhe një femër, e quajtur Elvana Tota. Kjo e fundit rezulton të ketë qenë personi që ka kopjuar çelësin e banesës së Ndriçimes, të cilën e ka pasur F.Tota, e punësuar atje.
Pak muaj pas vjedhjes së banesës, policia ka arrestuar autorët e krimit dhe ka sekuestruar një pjesë të parave, ndërkohë ka arrestuar dhe të ëmën e Elton Muçës, Hajrie Muça. Pak ditë më parë gjykata dënoi Hajrie Muçën me 1.4 vite burg për akuzën e përvetësimit të parave të vjedhura. Ndërsa djali i saj u dënua me 9.4 vite burg si organizator i kësaj vjedhje. /shqiptarja.com/
