Presidenti ukrainas Volodymyr Zelensky ka komentuar deklaratat e ministrit të jashtëm rus Sergei Lavrov se Adolf Hitler kishte origjinë hebreje.
Zelensky u përgjigj: “Dje, për shembull, ministri i Jashtëm i Rusisë tha hapur dhe pa hezitim se antisemitët më të mëdhenj ishin mes vetë hebrenjve.
“Dhe se Hitleri kishte gjak hebre. Si mund të thuhej kjo në prag të përvjetorit të fitores mbi nazizmin? Këto fjalë nënkuptojnë se kryediplomati rus po fajëson popullin hebre për krimet naziste. Nuk kam fjalë.
“Sigurisht që sot këto fjalë kanë shkaktuar një skandal të madh në Izrael. Megjithatë, askush nuk dëgjon kundërshtime apo justifikime nga Moska. Vetëm heshtje. Ata pajtohen me atë që tha ministri i tyre i jashtëm.”
I pyetur për këtë më herët, ministri i jashtëm rus u shpreh: “Pra, kur ata thonë “Si mund të ekzistojë nazifikimi nëse jemi hebrenj?” Sipas mendimit tim, Hitleri gjithashtu kishte origjinë hebreje, kështu që nuk do të thotë absolutisht asgjë. Për disa kohë ne kemi dëgjuar nga populli hebre se antisemitët më të mëdhenj ishin hebrenj.”
