Debati për Teatrin Kombëtar vazhdon prej muajsh ku artistë dhe aktivistë të shoqërisë civile, mbështetur nga opozita protestojnë kundër shembjes së tij. Nga ana e tij kryeministri e ka quajtur teatrin një varrezë që duhet shembur. Sakaq, ligji që i hap rrugë një marrëveshje me kompaninë “Fusha” për ndërtimin e teatrit të ri është pezull, pasi nuk u dekretua nga Presidenti.
Në mes të këtij debati, studiuesi dhe gazetari, Erald Kapri na çon disa vite pas, gjatë fundit të luftës së II botërore, kur sipas tij, Mehmet Shehu kërkoi të bombardohej qendra e Tiranës. Se si shpëtoi pa u shembur Teatri, Kapri tregon si më poshtë:
“Ne betejen e Tiranes, Mehmet Shehu e rrethoi kryeqytetin me 3 mije forca partizane dhe per 3 jave u zhvilluan luftime ne periferi te saj. Prane tij ishte Majori Britanik Oliver i cili koordinonte sulmet ajrore dhe per 10 dite, mbi 240 bomba u hodhen nga aviacioni britanik, nga Sauku ne Vore.
Forcat gjermane nuk e leshonin qendren e Tiranes dhe i frustruar nga pamundesia e marrjes se qendres se saj, Mehmet Shehu kerkon bombardimin e zones historike te Tiranes. Shtabi gjerman ndodhej tek pallati i Princeshave, trupat e tjera mbanin ministrite dhe Bulevardin.
Majori Britanik e refuzoi dhe nuk pranoi te bombardoje qendren e Tiranes, duke shpetuar me vetedije zonen historike te Tiranes. Mengjesin e dates 17 nentor 1944, kur gjermanet ishin terhequr, Majori Oliver beri kete foto te qendres se Tiranes ne taracen e Hotel Dajtit.
Edhe pse luftimet ishin te ashpra, ajo nuk u prek dhe Teatri, ne te djathte te fotos, nuk ka asnje shenje plumbi dhe u ruajt ne gjendje optimale. Kjo histori duhet te na sherbeje per te vleresuar ato qe kemi, dhe Teatri Kombetar eshte nje nder to, qe duhet “konservuar” dhe ruajtur me fanatizem”.
