Duke filluar nga mëngjesi i sotëm, pasagjerët kryeqytetas që zgjedhin linjat e brendshme të urbanit për të levizur në destinacionet e tyre ditore. Por cili është historiku i kërkesave të vazhdueshme për rritjen e çmimit të biletave në 3 vitet e fundit? Opinion.al ju sjell një historik nga 2013 deri në ditën e sotme.
Mars 2013 -Shoqata e Transportit Qytetas ka kërkuar për të disatën herë rritjen e çmimit të biletës së autobusit me 70 lekë. Përfaqësuesit e shoqatës në fjalë kanë kërkuar një takim me drejtues të Bashkisë së Tiranës dhe janë shprehur të vendosur se nëse Bashkia refuzon kërkesën për rritjen e çmimit ata do të shkojnë në gjykatë për zgjidhjen e kontratës.
Basha Mars 2013 : Nëse ndonjë nga operatorët mendon se mund të rrisë automatikisht çmimin e biletës ai do të përballet me heqje të menjëhershme të licencës.
Tetor të 2013 : Shoqata e transportit kërkoi rritje të çmimit të biletës, kjo u refuzua nga kryebashkiaku Basha me argumentin se nuk mund të rëndohej mbi xhepat e qytetarëve por mund të ndërmerren hapa të tjerë për të kompensuar transportin publik.
Nëntor 2013: Shoqata e transportit kërkon rritje çmimi, refuzon bashkia.
Dhjetor 2013: Basha i kërkon përmes një letre qeverisë të subvencionojë kostot e transportit pasi nuk mund të pranohet rritja e çmimit që rëndon qytetarët.
6 shkurt 2014: Nënkryetari i Bashkisë Enno Bozdo deklaratë për mediat: “Bashkia e Tiranës kërkon nga qeveria që të subvencionojë transportin publik, në mënyrë që të mos rritet çmimi i biletës për qytetarët”
11 shkurt 2015– Grevë 3-orëshe, kërkohet rritje e çmimit të biletës.
12 shkurt 2015– Parashikohet grevë 24 orë.
Reagon Bashkia e Tiranës drejtuar nga Lulzim Basha : “Bashkia e Tiranës, duke marrë parasysh situatën e rëndë ekonomike që po kalon vendi, rritjen e taksave dhe çmimeve nuk mund të ngarkojë qytetarët me kosto shtesë, të cilat do të ndikonin drejtpërdrejt në përkeqësimin e cilësisë së jetës së tyre. Duke njohur dhe vlerësuar vështirësitë e operatorëve të transportit publik qytetës, përsa i përket rritjes së kostove për njësi-shërbimi, Bashkia e Tiranës gjykon që zgjidhja e këtyre problemeve duhet të adresohet, duke ndërmarrë veprimet e mëposhtme, të cilat në bazë të Ligjit nr. 8308, datë 18.3.1998, “Për transportet rrugore”, të ndryshuar janë kompetencë e qeverisë: Subvencionimi social për kategoritë që sipas ligjit përfitojnë transport publik falas; Ulja e TVSH për shërbimin e transportit publik; Heqja e akcizës së naftës për transportin urban qytetas. “Bashkia e Tiranës u kërkon operatorëve të transportit publik të ndërmarrin masa të menjëhershme për rikthimin e shërbimit ndaj qytetarëve. Në të kundërt, ne do të ndërmarrim masat, siç parashikohen në marrëveshjen kontraktuale.,
12 shkurt 2015– Reagon shoqata e Transportit : Shoqata e Transportit urban mund të tërhiqet nga kërkesa e saj për rritjen e çmimit të biletës së transportit urban, nëse qeveria merr përsipër heqjen e akcizës dhe rimbursimit të TVSH-së.
22 dhjetor 2015: Shoqatat e transportit kërkojnë rritje të çmimit të biletës
22 dhjetor 2015: Veliaj deklaron se çmimi nuk do të rritet
30 dhjetor 2015: Veliaj kërkon rritje të çmimit të biletës së autobusëve
30 dhjetor 2015: Partia Demokratike akuzon Veliajn se ka marre ryshfet për rritjen e çmimit. Rritja e çmimit të biletës pazar që u kushton qytetarëve 6 milionë dollarë në vit.
1 shkurt 2016: PD kallëzon penalisht Erion Veliajn për rritjen e çmimit të biletës.
