Qytetarët e Shenzhenit në Kinë, tani e tutje, e kanë të ndaluar të hanë mish qeni dhe maceje. Masa hyri në fuqi përmes një ligji të ri, i cili u mor në vazhdën e frenimit të përhapjes së pandemisë Covid-19. Përveç qenve dhe maceve, rregullorja tashmë ndalon edhe mishin e gjarprit, bretkosës dhe breshkës.
Ligji i ri është i pari i këtij lloji në vend dhe u miratua dy ditë më parë nga ligjvënësit e qytetit me rreth 13 milionë njerëz, dhe do të hyjë në fuqi më 1 maj.
Ky vendim është një gjë e kërkuar prej vitesh nga aktivistët e kafshëve, të cilët kanë kërkuar që qeveria kineze të ndalojë konsumimin e kafshëve shtëpiake.
Kërkesat rriten në rang botëror, kryesisht gjatë festivalit vjetor të mishit, “Yulin Dog”, i cili është një nga festivalet më të diskutueshme në Kinë. Në të vriten, gatuhen dhe më pas hahen mijëra qen e mace nga vendasit.
Ky vendim historik, vjen pasi Kina ndaloi të gjithë tregtinë dhe konsumin e kafshëve të egra, një praktikë që besohet të jetë përgjegjëse për epideminë vdekjeprurëse të virusit të vendit./Opinion.al
