Gjykata e Milanos ka shpallur të pafajshëm një pensionist italian i cili në vitin 2015 vrau një hajdut me origjinë shqiptare që po grabiste banesën e tij. Gjykatëësja Maria Teresa De Pascale e arkivoi çështjen në ngarkim të italianit Francesco Sicignanon i cili akuzohej për vrasje të vullnetshme, ku në tetor të vitit 2015 kishte vrarë një shqiptar që kishte hyrë në banesën e tij. Gjykatësja e quajti mbrojtje të ligjshme veprimin e pensionistit italian. Burri ishte mbrojtur gjithmonë duke thënë se e kishte qëlluar shqiptarin në kuzhinë, por versioni i tij nuk përkonte me rrethanat e ngjarjes; trupi i shqiptarit, Gjergj Gjoni u gjet në shkallët e jashtme të vilës së Sicinjanos. Por prokuroria e Parmës gjeti gjurmë të ADN-së së shqiptarit në plumbin e gjetur në kuzhinë, çka rriti dyshimet se shqiptari pasi u plagos kishte tentuar të arratisej, përpara se të vdiste. Plumbi që përshkoi trupin e 22 vjeçarit nuk ka lënë gjurmë gjaku pasi qesja rreth zemrës kishte shërbyer si tampon ndaj hemoragjisë.
