Nuk kanë fund dhimbjet për një familje të varfër në fshatin Frankth të Matit.
Vetëm pak ditë më parë më 16 gusht, Joni Kërtuka, djali 26 vjeçar i familjes, humbi jetën në Greqi ndërsa ruante delet.
Ky lajm është përjetuar keq nga babai i të riut, që disa vite më parë kishte humbur edhe një djalë tjetër.
Me të marrë lajmin për humbjen e djalit të dytë, babai ka tentuar të mbytet në lumë
Jon Kërtuka i kalonte muajt e verës duke punuar në Greqi si bari dhensh, gjë të cilën e bëri edhe këtë verë.
Por, djali godit në mënyrë fatale nga një shkarkesë atmosferike.
Fillimisht lajmin prindërit e tij e mësuan nga mediat, më pas e morën vesh nga të afërmit në Greqi.
Të qarat janë dëgjuar në të gjithë fshatin.
“Sapo morëm lajmin e hidhur iu drejtuam shtëpisë së Nerim Kërtukës. Familja ishte informuar për ngjarjen e rëndë. Babai 46-vjeçar i Jonit tentoi të zbriste në lumë dhe të mbyste veten. Ai nuk ishte në gjendje ta përballonte dhimbjen për humbjen e djalit. E kemi qetësuar dhe e kemi mbajtur afër. Kjo familje ka parë shumë vuajtje, prej vitesh e kanë ndjekur fatkeqësitë”, thanë të afërm të familjes Kërtuka.
Policia greke ka prangosur punëdhënësin pas ngjarjes së rëndë. Ndërkohë që familja Kërtuka nuk ishte në gjendje që të përballonte financiarisht kthimin e trupit në vendlindje për të kryer ritet e përcjelljes për në banesën e fundit.
Koston financiare për familjen e varfër e kanë mundësuar xhaxhallarët e viktimës, që jetojnë në Greqi dhe Itali.
u
