Një 24 vjeçare shqiptare, azilkërkuese në Gjermani, raportohet se është përdhunuar në vend strehimin e azilantëve në Essen të Gjermanisë. Lajmin e bën të ditur bild.de, ndërkohë që Gjykata e Landit ka dhënë vendimin për burgim të agresorit.
Anëtarët e trupit gjykues kanë qenë të sigurt në një pikë: i gjykuari në fjalë, një njeri me familje dhe me fëmijë e ka shfrytëzuar gjendjen e dehur të shqiptares 24 vjeçare për ta përdhunuar atë me
gjakftohtësi. Kjo ka ndodhur më 23 gusht 2015.
Fillimisht ata të dy qenë marrë vesh që të shkonin së bashku në “BlindDateFestival” në Gelsenkirchen. Qysh në automobil gjatë rrugës, Selina (emri i shifruar i shqiptares) bashkë me një kujdestare tjetër të “heim”it kishte filluar të pinte vodka. Ajo dukej se merrej vesh mirë me kujdestaren, me të cilën në fakt, më vonë dhe është martuar (martesë brenda gjinisë së njëjtë).
Mirëpo vazhdimi i asaj nate ishte i tmerrshëm për shqiptaren. Në vend që ta kthente në shtëpinë e azilit, ashtu siç ishin marrë vesh, burri e dërgoi atë në banesën e tij. Selinës nuk i kujtohen të gjitha detajet e asaj çfarë ka ndodhur atë natë.
Por, përfundimi i trupit gjykues është i prerë: “I akuzuari ka shfrytëzuar paaftësinë e gruas për të rezistuar dhe ka kryer marrëdhënie seksuale me të.
