Ishte e treta herë që një bandë grabitësish merrte në shënjestër një apartament në pallatin në rrugën Liscatae 6, në Naviglio Martesana në Milano.
Milan Today raporton në edicionin e sotëm informativ se: “Megjithatë këtë herë tentativa e grabitjes nuk ka shkuar mirë për njërin prej tyre; një shqiptar 32 vjeçar, i padënuar më parë, i cili u arrestua.
Policia nuk mundi megjithatë të kapë bashkëpunëtorët, njëri prej të cilëve nuk hezitoi të zhytej në lumë për tja mbathur.
Gjithsesi policia arriti që të sekuestronte sendet e vjedhura që i përkisnin një senegalezi.
Për të njoftuar policinë u kujdes një banor ngjitur me shtëpinë e viktimës, që kishte dalluar personin e tretë që futej në apartament nga dritarja.
Mësohet se të tre personat u arratisën sapo pikasën agjentët, duke marrë urën afër pallatit që i dërgon në pistën e çiklizimit përgjatë lumit Naviglio. Keqbërësve ju desh të braktisnin sendet e vjedhura, të cilat më pas viktima i njohu si të tijat.
Ndërsa një nga keqbërësit u zhyt në lum, dy të tjerët morën drejtime të ndryshme.
Ku ai që u kap ishte vetëm shqiptari 32 vjeçar.
Senegalezi kishte pësuar një grabitje të ngjashme edhe më 3 shkurt; ku edhe në këtë rast ishte një banor ngjitur me apartamentin e tij i cili kishte lajmëruar forcat e rendit.
Po kështu një tjetër banesë u vodh gjatë kësaj kohe. Falë kamerave të sigurisë u bë e mundur të arrihet në konkluzionin se grabitësit ishin të njëjtit.
