Pesë shqiptarë, midis të cilëve 3 vëllezër të moshës 25-39 vjeç, janë dënuar nga drejtësia italiane pasi janë gjendur fajtorë për vrasjen e dy kushërinjve po shqiptarë, në një konflikt që bazë kishte trafikun e drogës.
Dy kushërinjtë shqiptarë u gjendën të masakruar me plumba në bagazhin e një automjeti në Canegrate të Milanos më 10 nëntor të vitit të kaluar.
Sipas hetimeve, dy kushurinjtë u vranë në bordin e një automjeti, pas plumbave të shumtë, duke përfunduar më pas jashtë rruge.
Sipas të përditshmes italiane “Il Giorno”, armiqësia mes grupeve lindi për shkak të kontrollit të territoreve të aktiviteteve të tyre kriminale në trafikun e drogës. Pas një sërë lëvizjesh në qytete të ndryshme të Italisë, Belgjikës dhe Shqipërisë, në tentativë për t’i shpëtuar jo vetëm hetimeve por edhe rregullave të Kanunit, të hetuarit u kapën në Luksemburg, Rumani e Belgjikë, ku ishin vendosur prej kohësh.
